काठमाडौं । विभागीय टोली नेपाल पुलिस क्लबले मधेश प्रदेशविरुद्ध सहज जित हासिल गरेको छ।
बिहिबार वीरगन्जस्थित नरायाणी क्रिकेट मैदानमा भएको जय ट्रफी पुरुष एलिट कपको दोस्रो दिन पुलिसले एक इनिङ र ३५ रनको जित निकालेको हो।
दोस्रो इनिङमा मधेश प्रदेश ९४ रनमै अलआउट भउको थियो । मधेशका लागि विशाल पटेलले २७ रन बनाउँदा मायन यादवले २२ र हिमान्शु दत्तले १७ रन जोडे ।
पुलिसका लागि कुशल भुर्तेलले पाँच, गुल्शनकुमार झाले तीन तथा ललितनारायण राजवंशीले दुई विकेट लिए।
त्यसअघि टस हारेर ब्याटिङको निम्तो पाएको मधेश पहिलो इनिङमा १२९ रनमै समेटिएको थियो। २५८÷४ को स्थितीमा पहिलो इनिङ समाप्तीको घोषणा गरेको पुलिसले १२९ रनको अग्रता लिएको थियो।
यसअघि पुलिसले आर्मी र मधेशले बागमती प्रदेशसँग बराबरी खेलेका थिए।
