काठमाडौं । त्रिकोणात्मक महिला टी–२० क्रिकेट सिरिजमा नेदरल्याण्ड्सले नेपाललाई १५८ रनको लक्ष्य दिएको छ ।
बिहिबार कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा नेदरल्याण्ड्सले २० ओभरमा ४ विकेट गुमाउँदै १५७ रन बनाएको हो ।
नेदरल्याण्ड्सका रोबिन राइकेले अर्धशतकीय पारी खेलिन् । उनले ४८ बलमा ८ चौका प्रहार गर्दै ५९ रन जोडिन् ।कालिसले २९ रन बनाउँदा लीडेले ६ रनमै आउट भइन् ।
हेदर सिगर्सले २३ रन जोड्दा आइरिस जुइलिङ ३१ रनमा अविजित रहिन् ।
नेपालका लागि ईश्वरी विष्ट, सीता राना मगर, कविता कुँवर र पूजा महतोले एक/एक विकेट लिइन् ।
