काठमाडौं । त्रिकोणात्मक महिला टी–२० सिरिजमा थाइल्याण्डले नेपाललाई १०७ रनको लक्ष्य दिएको छ ।
मंगलबार कीर्तिपुरस्थित त्रिवि क्रिकेट मैदानमा जारी खेलमा टस जितेर ब्याटिङ गरेको थाइल्याण्डले २० ओभरमा ६ विकेट गुमाउँदै १०६ रन बनाएको हो ।
थाइल्याण्डका लागि थिपाचा पुथावोंग २५ र चनिदा सुथिरुआंग २७ रनमा अविजित रहिन् ।
नेपालका लागि मनीषा उपाध्यायले ३ विकेट लिइन् भने रचना चौधरी र पूजा महतोले १–१ विकेट लिइन् । राष्ट्रिय क्रिकेट टीममा रचनाको यो डेब्यू खेल हो ।
नेपाल आजको खेलमा पहिलो जित निकाल्ने लक्ष्यमा छ ।
