काठमाडौं । त्रिकोणात्मक महिला टी–२० सिरिजमा नेपालले लगातार चौथो हार व्यहोरेको छ ।
मंगलबार कीर्तिपुरस्थित त्रिवि क्रिकेट मैदानमा भएको खेलमा थाइल्याण्डले नेपाललाई ५ रनले हराएको हो । थाइल्याण्डले दिएको १०७ रनको लक्ष्य पछाएको नेपालले २० ओभरमा ८ विकेट गुमाउँदै १०१ रन मात्र बनाउन सक्यो ।
त्यस अघि टस जितेर ब्याटिङ गरेको २० ओभरमा ६ विकेट गुमाउँदै १०६ रन बनाएको थियो।
थाइल्याण्डका लागि थिपाचा पुथावोंग २५ र चनिदा सुथिरुआंग २७ रनमा अविजित रहिन् ।
नेपालका लागि मनीषा उपाध्यायले ३ विकेट लिइन् भने रचना चौधरी र पूजा महतोले १–१ विकेट लिइन् ।
