काठमाडौं । नेपालले आज अन्तर्राष्ट्रिय महिला फुटबल च्याम्पियनसिपमा लेबनानसँग खेल्दैँ छ ।
बिहिबार दशरथ रंगशालामा हुने यो खेल साँझ ६ बजेदेखि शुरु हुने छ ।
खेलमा नेपालले पहिलो खेलमा किर्गिस्तानलाई पराजित गर्दै महत्वपूर्ण ३ अंक हासिल गरेको छ ।
त्यस्तै लेबनानले भने आफ्नो पहिलो खेलमा म्यान्मारसँग हार बेहोरेको थियो । यसअघि आजै म्यान्मार र किर्गिस्तानबीचको खेल अपराहन्न २ बजेदेखि शुरु हुने छ ।
नेपालले आफ्नो तेस्रो खेल फेब्रुअरी २३ मा म्यान्मारसँग खेल्ने तालिका रहेको छ । सोहि दिन लेबनान र किर्गिस्तान पनि खेल्ने छन् ।
च्याम्पियनसिप खेल्ने नेपाली टिमः
गोल किपरः अन्जिला तुम्बापो सुब्बा, अञ्जना राणा मगर र उषा नाथ ।
डिफेन्डरः अमृता जैशी, गीता राणा, विमला विक, पूजा राणा, निशा ठोकर, समिक्षा घिमिरे, विमला चौधरी र मनमाया दमाई ।
मिडफिल्डरः अनिता बस्नेत, रेणुका नगरकोटे, प्रीति राई, सरु लिम्बु, सविता राना मगर, रेणुका हमाल र सुष्मा तामाङ ।
फरवार्डः सावित्रा भण्डारी, रस्मी कुमारी घिसिङ, चन्द्रा भण्डारी, अनिता केसी र रेखा पौडेल ।
