काठमाडौं । अन्तर्राष्ट्रिय महिला च्याम्पियनसिप फूटबल खेल्न नेपाल आएकी राष्ट्रिय महिला फूटबल टोलीकी कप्तान एन्जिला तुम्बापो सुब्बा ग्रिस प्रस्थान गरेकी छिन् ।
एन्जिला व्यावसायिक फूटबल खेल्न शुक्रबार ग्रिस प्रस्थान गरेकी हुन् ।
त्रिभुवन अन्तर्राष्ट्रिय विमानस्थलमा अखिल नेपाल फूटबल सङ्घ (एन्फा) प्रवक्ता सुरेश शाह, केन्द्रीय सदस्य पेमा डोल्मा लामा, र महिला टोलीकी व्यवस्थापक विन्द्रा देवानलगायतले एन्जिलालाई बिदाइ गरेका हुन्।
यही फागुन १४ गते भएको अन्तर्राष्ट्रिय महिला च्याम्पियनसिपको फाइनलमा नेपाल म्यानमारसँग २–० ले पराजित भएको थियो ।
