काठमाडौं । रुपन्देहीको तिलोत्तमास्थित एक्स्ट्राटेक ओभल स्टेडियममा जडान सम्पन्न भएको फ्लड लाइटको परीक्षण सम्पन्न भएको छ ।
बिहीवार राति पाँच वटै फ्लड लाइटको परीक्षण गरिएको हो । फ्लड लाइडको चेकिङ सकिएको र अब टेस्टिङ बाँकी रहेको स्टेडियमका प्रबन्ध निर्देशक विनोद कुँवरले जानकारी दिए ।
नेपालको क्रिकेट इतिहासमै पहिलो पटक फ्लड लाइट जडान गरिएको हो ।
यही फागुन २५ गतेदेखि शुरु हुने प्रधानमन्त्री कप क्रिकेटका ४६ मध्ये १५ खेल यही मैदानमा हुने बताइएको छ ।
सात वटा पिच रहेको मैदानमा अब खेल हुने मात्रै नभई नेपालमै पहिलो फ्लड लाईटमा डे नाइट म्याच हुने चरणमा प्रवेश गरेको छ ।
आगामी २ वर्षभित्र सक्ने लक्ष्य रहेको यो मैदानमा २५ हजार दर्शक क्षमताको प्यारापिट बन्नेछ ।
