असोज २६ दोलखा । गत २४ आज बाट कालिञ्चोक गाउँपालिकामा वडा स्तरीय पुरुष भलिबल प्रतियोगिताको प्रथम उपाधि वडा नम्बर ९ सुन्द्रावतीले जितेको छ । 
पालिकाकै वडा नं.३ मा रहेको खेलकुद समितिको मुख्य आयोजन पोखरेमा सम्पन्न भएको फाइनल खेलमा आयोजक ३ नम्बरलाई हराउँदै उपाधि जितेको हो । उपाधि सँगै नगद ३० हजारसहित सिल मेडल प्रमाण पत्र जितेको छ । त्यस्तै दोस्रो हुने टोलीले २० हजार रुपैयाँ नगद सहित सिल मेडल प्रमाणपत्र प्राप्त गरेको छ । 
यता तेस्रो हुने वडा नम्बर ७ ले १० हजार रुपियाँ नगद र सिल मेडल र प्रमाणपत्र प्राप्त गर्ने छन् । गत २४ गतेबाट सुरु भएको यो प्रतियोगितामा पालिका भित्रका १० वटा टोलीले सहभागिता जनाएकाे वडा अध्यक्ष निशान बुढाथोकीले जानकारी दिनुभयो ।
त्यस्तै प्रतियोगिताको बेस्ट प्लेएर बिशाल शाही , बेस्ट स्पाइकर अञ्जन बस्नेत , बेस्ट सेटेर पशुपति बस्नेत , बेस्ट डिप्रेन्डर मनु तामाङ र बेस्ट ब्लकर बालकृष्ण खड्काले उपाधि हात पारे । 
