काठमाडौं । आइसिसी यू-१९ विश्वकप क्रिकेट छनोटको तयारीमा रहेको यू-१९ नेपाली क्रिकेट टोलिले दिल्ली यू–१९ लाई ५ विकेटले हराएको छ ।
मंगलबार भएको खेलमा ९६ रनको लक्ष्य पछाएको नेपाली टोलिले ३१ ओभरमा ५ विकेट गुमाएर पूरा गरेको हो ।
नेपालको लागि अमर मिश्राले २७ रन बनाउँदा रोहन विश्वकर्माले २५ बनाए भने नरेन भट्टले अविजित १८ रन बनाए । दिल्लीका लागि अमन चौधरीले ९ ओभरमा ३१ रन दिएर सर्वाधिक दुई विकेट लिए ।
त्यसअघि टस जितेर ब्याटिङ रोजेको दिल्ली २३ ओभरमा ९५ रनमा अलआउट भएको थियो । यसका लागि साथक पालले सर्वाधिक २९ रन बनाए ।
नेपालका लागि अपराजित पौडेल र सिब्रिन श्रेष्ठले तीनरतीन तथा बिपिनप्रसाद आचार्य र अशोक धामीले दुईरदुई विकेट लिए ।
यो जितसँगै तीन खेलको सिरिजमा नेपालले १–० को अग्रता लिएको छ । यी दुई टिमबीचको दोस्रो खेल बिहीबार हुनेछ ।
