एजेन्सी । इंग्लिस प्रिमियर लिग फुटबलमा लिभरपुलले सानदार जित निकालेको छ । वाट्फोर्डको घरेलु मैदानमा शनिबार भएको खेलमा पाहुना टोली लिभरपुलले वाट्फोर्डलाई ५-० गोल अन्तरले पराजित गरेको हो ।
लिभरपुलको जितमा रोबर्टो फिर्मिन्होले ह्याट्रिक गोल गरे । साडियो माने र मोहमद सलाहले एक एक गोल गरे । खेलको नवौं मिनेटमा मानेले गोल गर्दै लिभरपुललाई सुरुवाती अग्रता दिलाएका थिए ।
यससँगै मानेले प्रिमियर लिगमा १०० गोल पूरा गरेका छन् । माने प्रिमियर लिगमा १०० गोल पूरा गर्ने तेस्रो अफ्रिकन खेलाडी समेत बनेका छन् । यस अघि डिडियर ड्रोग्बा र मोहमद सलाहले प्रिमियर लिगमा १०० गोल पूरा गरेका थिए ।
पहिलो हालमा २-० गोलको अग्रता बनाएको लिभरपुलले दोस्रो हाफमा थप ३ गोल गरेको थियो ।
उक्त जितसँगै लिभरपुल शीर्ष स्थानमा उक्लिएको छ । उसको ८ खेलबाट १८ अंक पुगेको छ । लिभरपुल अझै अपराजित रहेको छ । यता पराजित वाट्फोर्डको भने ८ खेलबाट ७ अंक बनाउँदै १५औं स्थानमा रहेको छ ।
