असोज ३० काठमाडौं । साफ च्याम्पियनसिप फुटबल प्रतियोगिता २०२१ को उपाधि भारतले जितेको छ ।
शनिबार राति माल्दिभ्सको मालेस्थित राष्ट्रिय रंगशालामा भएको खेलमा भारतले नेपाललाई ३-० गोलले पराजित गरेको हो ।
भारतको जितमा कप्तान सुनिल क्षेत्री , सुरेश सिंह र सलाह समदले १/१ गोल गरे । निकै रोमाञ्च बने पहिलो हाफ गोलरहित बराबरीमा सकिएको थियो । तर दोस्रो हाफमा नेपालले लगातार २ गोल र अतिरिक्त समयमा थप गोल खाँदै पराजित भएको हो ।
उक्त हारसँगै नेपालले इतिहास रच्ने सुनौलो अवसर खेर फालेको छ । साफको इतिहासमै पहिलो पटक फाइनलमा पुगेको नेपाल उपाधि जित्न बाट चुकेको हो । यता भारतले भने आठौं पटक साफको उपाधि उचालेको छ ।
