काठमाडौं । इस्तानबुलमा हालै सम्पन्न वार्तामा भएको सहमति अनुसार रुस र युक्रेनले ठूलो संख्यामा एक अर्कामा कैदी आदनप्रदान गरेका छन् । 

रुसी रक्षा मन्त्रालयका अनुसार सहमतिपछि रुस र युक्रेनले शनिबार ३०७ जना कैदी आदानप्रदान गरिएको हो । 

मन्त्रालयले ३०७ जना रूसी सैनिकहरू ‘कीभ–नियन्त्रित क्षेत्रबाट फर्केका’ बताएको छ । जबकि त्यति नै संख्यामा युक्रेनी कैदीहरूलाई रिहा गरिएको छ ।

रूसी पक्षले सुरु गरेको ठूलो स्तरको आदानप्रदान जारी रहने अपेक्षा गरिएको छ । प्रत्येक पक्षबाट २७० सैनिक र १२० नागरिकको आदानप्रदानपछि कैदी रिहाको प्रक्रिया सुरु भएको हो ।

रूसी रक्षा मन्त्रालयका अनुसार, २७० रूसी सैनिक र १२० नागरिक किभ नियन्त्रित क्षेत्रबाट फर्किएका थिए । साथै समान संख्यामा युक्रेनी कैदी र नागरिकहरूलाई रिहा गरिएको थियो । 

मन्त्रालयले भनेको छ कि मुक्त गरिएका रूसी कैदीहरू हाल बेलारुस गणतन्त्रमा छन्, । जहाँ उनीहरूले आवश्यक मनोवैज्ञानिक सहयोग र चिकित्सा सहायता पाइरहेका छन् । 
युक्रेनी राष्ट्रपतिले गरेअनुसार १,००० को लागि १,००० सूत्र’ अन्तर्गत रूससँग कैदी आदानप्रदानको पहिलो चरणका रूपमा ३९० युक्रेनीहरू कैदबाट घर फर्किएका छन् । 
उनले जोड दिए कि युक्रेनले अझै पनि बन्दी बनाइएका सबै नागरिकहरूको फिर्ता सुरक्षित गर्न आफ्नो कूटनीतिक प्रयास जारी राख्नेछ ।
रूस र युक्रेनले गत हप्ता इस्तानबुलमा वार्तापछि प्रत्येक १,००० कैदी आदानप्रदान गर्न सहमत भए, जुन २०२२ मा द्वन्द्व सुरु भएदेखि सबैभन्दा ठूलो कैदी आदानप्रदान हो।(सीसीटीभीप्लस)