काठमाडौं । साहित्यकार तथा पूर्व पत्रकार विजय चालिसेको निधन भएको छ । 

७४ वर्षीय चालिसेको शुक्रबार बिहान साढे ९ बजे निधन भएको पारिवारिक स्रोतले जनाएको छ । गोकर्णेश्वर नगरपालिका–९ निवासी चालिसेको शुक्रबार गोकर्णेश्वर महादेव मन्दिर परिसरमा अन्त्येष्टी गरिँदैछ ।

२००८ साल असार २२ गने जोरपाटीको आरुबारीमा जन्मिएका चालिसे गोरखापत्र संस्थानमा आवद्ध भइ सम्पादन विभागका साथै व्यवस्थापन विभागको समेत जिम्मेवारीमा रहेर काम गरेका थिए । चालिसेका दर्जनौँ कृति प्रकाशित छन् ।