काठमाडौं ।
कागको हुलमा काग,
बकुल्लाको हुलमा बकुल्ला,
कति बन्छौ, मनुवा ??
मानव चोली पाएछौ,
व्यवहार गर्छौ दानवको ।
आफ्नो सत्बाट धरै टाढा,
पञ्चइन्द्रियको वशमा,
व्यवहार गर्छौ अज्ञानीको ।।
उठ–जाग अब, नगरी अबेर, चिन आफूलाई....
स्वतन्त्र–सत्य अस्तित्व तिम्रो, हराएछ कता ???
बिलाएछ कता ???
खोज आफूलाई , भेट्टाऊ आफूलाई ।
जुन सुकै हुल आए पनि,
निर्मल–निश्चल–सत्–स्वतन्त्र,
स्व–अस्तित्वको, स्वःस्वतन्त्रताको,
बन मालिक तिमी ।।।
कागको हुलमा काग
बकुल्लाको हुलमा बकुल्ला
कति बन्छौ, मनुवा ????
अना नेवाः
