काठमाडौं । जारी टप इन्ड टी-२० सिरिजमा नेपालले लगातार तेस्रो हार व्यहोरेको छ ।
सोमबार बिहान भएको खेलमा नेपाल मेलवर्न स्टार्ससँग ३१ रनले हार पराजित भएको हो । १७६ रनको लक्ष्य पछाएको नेपालले २० ओभरमा ७ विकेट गुमाउदै १४४ रन बनाएको हो ।
नेपालका लागि आसिफ सेखले ५३ रन बनाए भने कप्तान रोहित पौडेलले ३३ र कुशल भुर्तेलले २५ रन बनाए ।
यसअघि टस जितेर पहिला ब्याटिंग गरेको मेलवर्न स्टार्सले २० ओभरमा ७ विकेट गुमाएर १७५ रन बनाएको थियो।
मेलवर्नका लागि ब्लाक म्याकडोनाल्डले ७४ र थोमस रोजर्सले ६५ रन बनाए।
त्यस्तै नेपाली बलर सन्दीप लामिछानेले ३ विकेट लिए भने सोमपाल कामी र शहाब आलमले एक एक विकेट लिएका थिए । यो सिरिजमा नेपालको लगातार तेस्रो हार हो ।
