एजेन्सी । इंग्लिस प्रिमियर लिग फुटबलमा लन्डन क्लब आर्सनलले एस्टन भिल्लामाथी सहज जित निकालेको छ । शुक्रबार राति घरेलु मैदानमा आर्सनलले एस्टन भिल्लालाई ३-१ गोल अन्तरले पराजित गरेको हो ।
आर्सनलको सहज जितमा थोमस पार्टी, पिएरे इमरिक औवामियाङ र इमिल स्मिथ रोवीले गोल गरे । एस्टन भिल्लाका ज्याकोव राम्सेले १ गोल फर्काए ।
उक्त जितसँगै आर्सनलले ९ खेलबाट १४ अंक जोडेर नवौँ स्थानमा उक्लिएको छ । यता पराजित भिल्ला १० अंक जोडेर १३औँ स्थानमा छ ।
