काठमाडौं । नेपाल क्रिकेट संघ (क्यान)ले राष्ट्रिय क्रिकेट टोलीको नयाँ जर्सी सार्वजनिक गरेको छ।
सोमबार काठमाण्डौमा आयोजित एक कार्यक्रममा जर्सी सार्वजनिक गरिएको हो । उक्त जर्सी महिला टोलीले आउँदो हप्ता सुरु हुने महिला टी–२० विश्वकप छनोट र पुरुष टोलीले भारतमा हुने आगामी विश्वकपमा लगाउनेछ।
जर्सीको मूल्य खेलाडीका लागि ३,३९९, कपी जर्सी १,५९९ र फ्यान जर्सी ७९९ रुपैयाँ तोकिएको छ।
यसैबीच, आईसीसी टी–२० विश्वकप २०२६ को ट्रफी पहिलो पटक नेपाल आइपुगेको छ। ट्रफी टुरअन्तर्गत आज पोखरामा फोटोशूट, वसन्तपुरमा ट्रफी प्रदर्शनी र भोलि बौद्धनाथ स्तूप परिसरमा प्रदर्शन गरिने क्यानले जनाएको छ।
फेब्रुअरी ७ देखि भारत र श्रीलङ्कामा सुरु हुने टी–२० विश्वकपमा २० टोली सहभागी हुनेछन्। नेपाल समूह ‘सी’ मा परेको छ, जहाँ इङ्ग्ल्यान्ड, वेस्ट इन्डिज, इटाली र बङ्गलादेशसँग प्रतिस्पर्धा हुनेछ। फाइनल खेल मार्च ८ मा हुनेछ।
