काठमाडौं । टी–२० विश्वकपअघिको पहिलो अभ्यास खेलमा यूएईलाई हराउँदै नेपाल विजयी भएको छ ।
मंगलबार चेन्नईस्थित एमए चिदम्बरम रङ्गशालामा भएको अभ्यास खेलमा नेपालले यूएईलाई ७ विकेटले हराएको हो ।
१४६ रनको लक्ष्य पछाएको नेपालले १७ ओभरमा ३ विकेट गुमाउदै लक्ष्य पुरा गरेको हो ।
नेपालका लागि आरिफ सेखले सर्बाधिक ६१ रन बनाए भने दिपेन्द्र सिंह ऐरीले अविजित रहँदै ५० रन बनाए । त्यसैगरी कप्तान रोहित पौडेलले १६ रन बनाए ।
यसअघि यूएईले २० ओभरमा ६ विकेट गुमाउँदै १४५ रन बनाएको थियो।
