काठमाडौं । आईसीसी टी–२० विश्वकप २०२६ अन्तर्गत नेपालले वेस्ट इण्डिजलाई १३४ रनको लक्ष्य दिएको छ ।
समूह ‘सी’ अन्तर्गत भारतको वानखेडे स्टेडियममा जारी खेलमा नेपालले २० ओभरमा ८ विकेट गुमाउँदै १३३ रन बनाएको हों ।
दीपेन्द्र सिंह ऐरीले अर्धशतकीय पारी खेल्दै नेपालको लक्ष्य केही हदसम्म माथि उकासे । टी–२० विश्वकपमा उनी अर्धशतक बनाउने दोस्रो खेलाडी हुन्। यसअघि सुवास प्याकुरेलले अर्धशतक बनाएका थिए । दीपेन्द्र ४७ बलमा ५८ रन जोडेर आउट भए । यस्तै, सोमपाल कामी २६ रनमा अविजित रहे।
लोकेश बमले १३, आसिफ शेखले ११, रोहित पौडेलले ५, आरिफ शेखले २, कुशल भुर्तेलले १ गुलशन झाले ११ रन जोडे । बलिङतर्फ वेस्ट इन्डिजका जेसन होल्डरले चार तथा अकिल हुसेन, म्याथ्यु फोर्डे, समर जोसेफ र रोस्टन चेजले एक–एक विकेट लिए । यो खेल दुबै टोलिका लागि महत्वपूर्ण छ । यसअघिका दुई खेल हारेको नेपाल आजको खेल हारेमा प्रतियोगिताको सुपर एटबाट एक खेल अगावै बाहिरिनेछ ।
