काठमाडौं । साताको अन्तिम कारोबार दिन शुक्रबार सेयर बजार झिनो अंकले बढेको छ ।
आज बजार १.७७ अंकले बढेर २७३१.९४ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ ।
बजार बढेर बन्द भए पनि शुक्रबार कारोबार रकम भने सामान्य घटेको छ । बिहिबार ३ अर्ब २८ करोडको कारोबार भएको बजारमा आज ३ अर्ब ९ करोडको कारोबार भएको छ ।
त्यसैगरी आज १२७ कम्पनीको सेयर मुल्य बढेको छ भने १२० कम्पनीको सेयर मूल्य घटेको छ । बाकी २२ कम्पनीको सेयर मुल्यमा कुनै परिर्वतन आएको छैन् ।
