एजेन्सी । जर्मन बुन्डेसलिगामा साविक विजेता बायर्न म्युनिखले सहज जित निकालेको छ । शनिबार राति भएको खेलमा बायर्नले युनियन बर्लिनलाई उसैको घरेलु मैदानमा ५-२ गोलअन्तरले हराएको हो ।
पाहुना टोली बायर्नको जितमा रोबर्ट लेवान्डोस्कीले दुई गोल गर्दा लेरियो साने, किङ्ग्सले कोमान र थोमस मुलरले एक/एक गोल गरे । बर्लिनका निको गिजेल्म्यान र जुलियन रेसर्नले एक/एक गोल गरे ।
पहिलो हाफमा ३-१ गोलको अग्रता बनाएको बायर्नले दोस्रो हाफमा बर्लिनले एक गोल गर्दा बायर्नले दुई गोल थपेको थियो ।
उक्त जितसँगै शीर्ष स्थानको बायर्नले १० खेलमा २५ अङ्क जोडेको छ । यता पराजित बर्लिन भने १६ अङ्कका साथ छैटौँ स्थानमा छ ।
