काठमाडौं । साताको तेस्रो कारोबार दिन बुधबार सेयर बजार दोहोरो अंकले घटेको छ ।
आज बजार १३.९५ अंकले घटेर २७१२.५४ को विन्दुमा बन्द भएको नेपाल स्टक एक्सचेन्ज (नेप्से) ले जनाएको छ ।
बजार घटेसंगै बुधबार कारोबार रकम पनि घटेको छ । मंगलबार ६ अर्ब ६७ करोडको कारोबार भएको बजारमा बुधबार ५ अर्ब १८ करोडको कारोबार भएको छ ।
त्यसैगरी आज ७७ कम्पनीको सेयर मुल्य बढेको छ भने १९३ कम्पनीको सेयर मुल्य घटेको छ । बाकी ७ कम्पनीको कारोबार रकममा भने कुनै परिर्वतन आएको छैन् ।
