काठमाडौं । आईसीसी क्रिकेट विश्वकप लिग–२ अन्तर्गत नेपालले लगातार दोस्रो हार बेहोरेको छ। बिहीबार भएको सिरिजको दोस्रो खेलमा नेपाल नेदरल्याण्डससँग ६ विकेटले पराजित भएको हो।
टस हारेर पहिले ब्याटिङ गरेको नेपाल ४४.४ ओभरमा १५७ रनमै अलआउट भयो। नेपालको इनिङ्समा आरिफ शेखले सर्वाधिक ४१ रन बनाए भने गुलशन झाले २९ तथा दीपेन्द्र सिंह ऐरीले २१ रनको योगदान दिए।
१५८ रनको लक्ष्य पछ्याएको नेदरल्याण्डसले ४४.१ ओभरमा ४ विकेट गुमाएर लक्ष्य पूरा गरेको हो ।
