एजेन्सी । इंग्लिस प्रिमियर लिग फुटबल क्लब एस्टोन भिल्लाले आफ्नो मुख्य प्रशिक्षकमा स्टिभ जेरार्डलाई नियुक्त गरेको छ । बिहीबार भिल्लाले ४१ वर्षीय इंग्लिस प्रशिक्षकलाई चार वर्षका लागि सम्झौता गरेको हो ।
लिभरपुलका पूर्वखेलाडीसमेत रहेका जेरार्ड स्कटल्यान्डको क्लब रेन्जर्सबाट प्रिमियर क्लब फर्किएका हुन् । पूर्वमिडफिल्डर जेरार्डले सन् १९९८ देखि २०१५ सम्म १७ वर्ष लिभरपुलबाट खेलेका थिए ।
