मंसिर ४ काठमाडौं । कतार एअरवेज सहिद स्मारक ए डिभिजन लिग फुटबल प्रतियोगिता अन्तर्गत जारी खेलमा च्यासलविरुद्ध थ्री स्टार क्लबले २-० गोलको अग्रता बनाएकाे छ ।
थ्री स्टारका लागि पहिलो हाफको खेलको २२औं मिनेटमा निशान खड्का र ४५औं मिनेटमा राफेल बिडियास रिम गोल गरि अग्रता दिलाएका थिए । निशानले सिधै फ्रिकिकमा गोल गरेका हुन् । भने यता हेमन्त थापामगरकाे फ्रिकिकमा रफायल बिडियासले गाेललाइन नजिकैबाट हेडमार्फत गाेल गरेका हुन् ।
त्यस्तै यता खेलको २५औं मिनेटमा च्यासलले बराबरी गोल गर्न अवसर पाएको थियो । तर च्यासलका बिकास मेराग्लियाको पेनाल्टी प्रहार थ्रीस्टारका गोलरक्षकले जोगाएका थिए ।
अनन्त तामाङले बिकाशलाइ बक्सभित्र फल गरेपछि पाएकाे पेनाल्टीमा बिकासको प्रहार थ्रीस्टारका गाेलरक्षक गुलामे जांगाले डाइभ गरी बचाएका हुन् ।
