मंसिर ९ काठमाडौं । चौथो संस्करणको चक्रबहादुर स्मृति अन्तर स्कुल स्तरीय फुटबल प्रतियोगिता आज बिहिवारबाट सुरु भएको छ ।
गोकर्णेश्वर नगरपालिकाको सहकार्यमा छहारी युवा क्लबको आयोजनामा सुरु भएको अन्तर विद्यालय स्तरीय फुटबल प्रतियोगितामा जीवन तारा स्कुल , माउन्ट ग्लोरी स्कुल र योङ हार्ट स्कुलले विजयी सुरुवात गरेको छ ।
आज भएको उद्वाटन खेलमा जीवन ताराले होली एन्जललाई पराजित गर्यो । त्यस्तै दोस्रो खेलमा योङ हार्टले छहारी स्कुललाई हराएको हो, भने माउन्ट ग्लोरीदले इस्ट पोललाई पराजित गरेको हो ।
कुल २५ टोली सहभागी रहेको यस प्रतियोगिताको आगामी १८ गतेसम्म चल्नेछ । प्रतियोगिताको विजेताले नगद २५ हजार ट्रफी मेडल र प्रमाणपत्र प्राप्त गर्नेछ , त्यस्तै दोस्रो हुनेछ १० हजार, तेस्रो हुनेले ५ हजार ट्रफी मेडल प्राप्त गर्नेछन् भने सर्वाधिक गोलकर्ता , उत्कृष्ट खेलाडी , उत्कृष्ट गोलरक्षक र अनुशासित टिमले ट्रफी पाउने आयोजकले जनाएको छ ।
