मंसिर १० काठमाडौं । कतार एयरवेज सहिद स्मारक ए डिभिजन लिग फुटबलमा दोस्रो चरणको खेलमा संकटा फुटबल क्लब र फ्रेण्ड्स क्लबबीचको प्रतिस्पर्धा भइरहेको छ ।
त्रिपुरेश्वरस्थित दशरथ रंगशालामा जारी खेलको पहिलो हाफ सकिएको छ । जसमा फ्रेण्ड्सले १-० गोलको अग्रता बनाएको छ ।
फ्रेण्ड्सका लागि खेलको ४२औं मिनेटमा कप्तान प्रकाश बुढाथोकी गोल गरि पहिलो हाफभरि १-० गोलको अग्रता दिलाएका हुन् । तुलनात्मक सुरुमा खेलमा संकटाले बढी आक्रमण गरेता पनि गोल भने गर्न सकेन ।
त्यस्तै आजै भएको पहिलो खेलमा सातदोबाटोले थ्री स्टारलाई १-० गोलले स्तब्ध पार्दै शीर्ष स्थानमा उक्लिएको छ ।
