एजेन्सी । यूरोपको सबैभन्दा ठूलो क्लब फुटबल प्रतियोगिता युइएफए च्याम्पियन्स लिग फुटबल अन्तर्गत पहिलो लेगको क्वाटरफाइनल खेलमा चेल्सीको घरेलु मैदानमा पाहुना टोली रियलले करिम बेन्जेमाको ह्याट्रिकमा सानदार जित निकालेको हो ।
बुधवार राति भएको खेलमा रियलले ३-१ गोलको जित निकालेको हो । पाहुना टोली रियलको जितमा फ्रेन्च फरवार्ड तथा कप्तान करिम बेन्जेमाले ह्याट्रिक गरे ।
इङ्लिस क्लब चेल्सीका काइ हाभार्टले सान्त्वना गोल गरे । बेन्जेमाले खेलको २१, २४ र ४६ मिनेटमा गोल गर्दै ह्याट्रिक पूरा गरे । चेल्सीका काइले खेलको ४०औं मिनेटमा सान्त्वना गोल गरे ।
उक्त जितपछि रियलले सेमिफाइनल सम्भावना बढाएको छ । अब दोस्रो लेग रियलको घरेलु मैदानमा १३ अप्रिलमा हुनेछ ।
