चैत २८ काठमाडौं । एएफसी फुटसल एसियन कप छनोटमा नेपाल ताजकिस्तानसँग ११-१ गोल अन्तरले पराजित भएको छ ।
सोमबार कीर्गिस्तानको बिस्केकमा भएको खेलमा नेपाल ताजकिस्तानसँग फराकिलो हार ब्यहोरदै प्रतियोगिताबाट एक खेलअघि नै बाहिरिएको हो ।
समुह ‘बी’ मा रहेको नेपाल दुई खेलबाट अंकविहिन हुदै चौथो स्थानमा रहेको छ । यस्तै शीर्ष स्थानको ताजकिस्तानको चार अंक छ भने दोस्रो स्थानमा रहेको उज्वेकिस्तनको तीन अंक छ । तेस्रो स्थानको अफगानिस्तानको एक अंक छ ।
ताजकिस्तानले आइतबार पहिलो खेलमा अफगानिस्तानसँग बराबरी खेलेको थियो । पहिलो खेलमा नेपाल आइतबार उज्वेकिस्तानसँग ५–१ ले पराजित भएको थियो । नेपालले समूह चरणको अन्तिम खेलमा मंगलबार अफगानिस्ताानको सामना गर्नेछ ।
