काठमाडौँ । आइतबार नेपाली बजारमा सुनको मूल्य उकालो लागेको छ। शुक्रबारको तुलनामा आज सुनको मूल्य तोलामा १ हजार रुपैयाँले बढेको नेपाल सुनचाँदी व्यवसायी महासंघले जनाएको छ।

आइतबार छापावाला सुन प्रतितोला ९० हजार ७ सय रुपैयाँमा कारोबार भइरहेको छ। शुक्रबार छापावाला सुन प्रतितोला ८९ हजार ७ सय रुपैयाँमा कारोबार भएको थियो। आज तेजाबी सुन प्रतितोला ९० हजार २ सय रुपैयाँमा कारोबार भइरहेको छ।

यस्तै, आइतबार सुनसँगै चाँदीको मूल्य पनि बढेको छ। आज शुक्रबारको तुलनामा चाँदीको मूल्य तोलामा २० रुपैयाँले बढेको हो। आज चाँदी १२ सय ५ रुपैयाँ प्रतितोलामा खरीदविक्री भइरहेको छ। शुक्रबार ११ सय ८५ रुपैयाँमा कारोबार भएको थियो।