वैशाख १३ काठमाडौं । अखिल नेपाल फुटबल संघ (एन्फा) महिला संघको अध्यक्षमा पेमा डोल्मो लामा निर्वाचित भएकी छन् ।
एन्फा कम्प्लेक्स सातदोबाटोमा मंगलबार भएको निर्वाचनमा पेमा डोल्माले प्रतिद्वन्द्वी विमला पौडेललाई पराजित गर्दै विजयी भएकी हुन् । कुल ४२ मतमध्ये लामाले ३६ र पौडेलले ६ मत पाए ।
यस्तै उपाध्यक्षमा प्रमिला सिंह श्रेष्ठ, लुना प्रधान र कमला हिराचन थकाली विजयी भएका छन् । श्रेष्ठले ३८, प्रधानले ३५ र हिराचनले ३४ मत प्राप्त गरे । अर्की उम्मेदवार रमा भट्टराईले सात मत प्राप्त गरेकी छन् ।
उक्त पदमा सात जना मात्रै उम्मेदवार बनेपछि निर्वाचन समितिले सात सदस्यलाई सर्वसम्मत घोषणा गरेको थियो । संघको सदस्यमा वृन्दा देवान, दीपा क्षेत्री, सरिला श्रेष्ठ मलेकु, सरस्वती श्रेष्ठ, लिलामाया थापा, चन्द्र भण्डारी र बिना श्रेष्ठ रहेका थिए ।
