काठमाडौं । रोयल च्यालेन्जर्स बैंगलुरुले लगातार दोस्रो पटक आइपिएलको उपाधि जित्न सफल भएको छ ।
आइतबार राति भएको फाइनल खेलमा गुजरात टाइटन्सलाई ५ विकेटले पराजित गर्दै बैंगलुरुले च्याम्पियन बनेको हो ।
१५६ रनको लक्ष्य पछ्याएको बैंगलुरुले १८ ओभरमै ५ विकेट गुमाएर लक्ष्य पूरा गरेको हो । बैंगलुरुको लागी विराट कोहलीले अविजित ७५ रनको उत्कृष्ट इनिङ्स खेले । यस्तै वेंकटेस अय्यरले ३२, टिम डेभिडले २४ रनको योगदान दिए ।
यसअघि टस हारेर पहिले ब्याटिङ गरेको गुजरातले निर्धारित २० ओभरमा ८ विकेट गुमाउँदै १५५ रन बनाएको थियो ।
