.jpg)
काठमाडौँ । लुम्बिनी प्रदेशसभाको बैठक स्थगित गरिएको छ। प्रदेशसभा सचिवालयले बिहीबार सूचना टाँस गरी दिउँसो १ बजे बोलाइएको बैठक स्थगित गरिएको जनाएको हो।
प्रमुख प्रतिपक्षी दल नेकपा एमालेका सांसदले पार्टीले कारवाही गरेका दुई सांसदलाई पदमुक्त गर्न माग गर्दै निरन्तर सदन अवरुद्ध पारेकाले नवौं अधिवेशनको तेस्रो दिनको बैठक पनि स्थगन गरिएको हो। अर्को बैठक यही भदौ ७ गते सोमबार दिउँसो १ बजे बस्ने सूचनामा उल्लेख गरिएको छ।
