काठमाडौं । ललितपुर महानगरपालिकामा २०७२ को भूकम्पले भत्किएका एक सय ५० पाटी, पौवा पुनः निर्माण गरिएको बताइएको छ । 

विश्व सम्पदा दिवसको अवसरमा महानगरपालिका प्रमुख चिरीबाबु महर्जनले यस्तो बताएका हुन् ।

उनले ललितपुरको सम्पत्ति नै सम्पदा भएको बताउदै यसको संरक्षणका लागि महानगर सधैं सक्रिय रहेको र वर्षौंदेखि रोकिएका प्राचीन जात्रालाई निरन्तरता दिन थालिएको उनले दाबी गरे।

विश्व सम्पदा दिवसकै सन्दर्भमा पाटनमा कलाकार मनिषलाल श्रेष्ठले बनाएको एक हजार तीन सय ३६ मिटर लामो धागोका प्रतिस्थापन कला प्रदर्शनी गरिएको थियो।