काठमाडौं । अर्थमन्त्री वर्षमान पुनले औषधिको प्रयोजन र रिसर्चका लागि गाँजा खेती गर्न दिनुपर्ने बताएका छन् । 

शुक्रबार बसेको कृषि, सहकारी तथा प्राकृतिक स्रोत समितिको बैठकमा उनले नियमावाली बनाएर भए पनि औषधीय प्रयोजनका लागि खुला गर्नुपर्ने बताएका हुन् ।

उनले गाँजाबाट उत्पादन हुने कर्चा पदार्थहरूबाट कागज तथा कपडा उत्पादन हुने भएकाले त्यसको पातबाट औषधि उत्पादन हुने र त्यसका लागि ऐन तथा नियमावली बनाएर अगाडि बढ्नुपर्ने बताए । 

 उनले भने, "गाउँघरमा अहिले पनि गाँजा उत्पादन भइरहेको छ । यसबाट उत्पादन हुने कच्चा पदार्थबाट धेरै उपयोगी सामान पनि बनेका छन्,” ।“यसको प्रयोगको विषयमा कानुनी व्यवस्था हुनुपर्छ । यसबाट धेरै कच्चा पदार्थ उत्पादन हुन्छ । प्रयोगको विषयमा भने सामाजिक चेतना र जागरण फैलाउनुपर्छ ।”