काठमाडौं । पञ्जाव किंग्सले गुजरात टाइटन्सलाई पराजित गर्दै आइपिएलमा विजयी शुरुवात गरेको छ । मंगलबार राती सम्पन्न खेलमा पञ्जावले गुजरात टाइटन्सलाई ११ रनले पराजित गरेको हो ।
पञ्जावले दिएको २४४ रनको लक्ष्य पछाएको गुजरातले २० ओभरमा ५ विकेट गुमाउदै २३२ रन बनाएको थियो ।
गुजरातक लागि साइ सुदर्शनले सर्बाधिक ७४ रन बनाए भने जोस बटलरले ५४, शेरफान रदरफोर्डले ४६ र कप्तान शुभमन गिलले ३३ रन बनाएका थिए ।
यसअघि टस हारेर पहिला ब्याटिंग गरेको पञ्जावले २० ओभरमा ५ विकेट गुमाउदै २४३ रन बनाएको थियो ।
पञ्जावका लागि कप्तान श्रेयस अय्यरले अविजित ९७ रन बनाएका थिए । अय्यरले ४२ बल खेल्दै ५ चौका र ९ छक्का प्रहार गर्दै ९७ रन बनाएका हुन् । त्यस्तै प्रियांश आर्याले ४७ र शशांक सिंहले ४४ रन बनाएका थिए । त्यसैगरी गुजरातका बलर साइ किसोरले ३ विकेट लिएका थिए ।
