भदौ १३ काठमाडौं । खाना पकाउने ग्याँस बिस्फोट भएर घाइते भएका ९ जनाको उपचारका लागि भोटेकोसी गाउँपालिकाले आर्थिक सहयोग गरेको छ ।

बौद्धमा रहेको एक चिया पसलमा खाना पकाउने ग्यास बिस्फोटपछि भएको आगलागीमा भोटेकोशी गाउँपालिकाका ७ सहित ९ जना गम्भीर घाइते भएका थिए ।

उनीहरुको उपचारका लागि भोटेकोसी गाउँपालिकाले पूर्वमन्त्री तथा नेपाली काँग्रेसका नेता मोहनबहादुर बस्नेतको उपस्थितिमा सोमबार साँखु स्थित सुस्मा मेमोरियल हस्पिटलमा नै पुगेर ९ लाख रुपैयाँ सहयोग गरेको काँग्रेस महाधिवेशन प्रतिनिधि युधिर पौडेलले जानकारी दिनुभयो ।

पालिका अध्यक्ष पासाङ नोर्बु शेर्पा र सोही गाउँपालिकाको वडा नम्बर ५ का अध्यक्ष दावात्याम्बा लामाको टीमले सहयोग जुटाएको हो ।