असोज ३१ काठमाडौं । विजयादशमीका दिन टीका लगाउन छुटेका वा टाढाटाढा भएकाहरूले कोजाग्रत पूर्णिमासम्म टीका लगाउने परम्परा अनुसार दशमीको तेस्रो दिन आज पनि आफन्तजन तथा मान्यजनबाट टिका लगाउने र आर्शिवाद लिनेक्रम जारी छ ।

पश्चिम नेपालका केही भागमा भने विजया दशमीको दिन मात्र टिका लगाउने प्रचलन छ । घटस्थापनादेखि नौ दिनसम्म दुर्गाभवानीको पुजाआराधना गरेर राखिएको जमरासहितको टिका विजयादशमीदेखि पूर्णिमासम्म लगाउने प्रचलन रहेको छ ।

यसैबीच दसैँको अवधिमा बन्द रहेका सरकारी कार्यालयहरू आजदेखि खुल्दै छन् ।