काठमाडौं । नेपाली बजारमा मंगलबार सुनको मूल्य हाल सम्मै उच्च भएको छ ।
आज सुनको मूल्य तोलामा ३ सय रुपैयाँले बढेर एक लाख ६५ हजार ९ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।
यो हाल सम्मै उच्च भएको हो । अघिल्लो कारोबार दिन सोमबार छापावाला सुन प्रतितोला १ लाख ६५ हजार ६ सय रुपैयाँमा कारोबार भएको थियो।
त्यसैगरी, आज चाँदीको मूल्य पनि तोलामा ५ रुपैयाले बढेको छ । चाँदीको मूल्य प्रतितोला २ हजार १ सय रुपैयाँमा कारोबार भइरहेको छ । अघिल्लो कारोबार दिन सोमबार चाँदी २ हजार ९५ रुपैयाँमा कारोबार भएको थियो ।
