काठमाडौं । नेपाली बजारमा सोमबार सुनको मूल्य बढेको छ ।
आज सुनको मुल्य तोलामा तोलामा ४ सय रुपैयाँले बढेर प्रतितोला एक लाख ५० हजार एक सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । आइतबार छापावाला सुन प्रतितोला १ लाख ४९ हजार ७ सय रुपैयाँमा कारोबार भएको थियो।
त्यस्तै आज चाँदीको मुल्य भने यथावत रहेको छ । महासंघको अनुसार आज चाँदी प्रतितोला १ हजार ८ सय ६५ रुपैयाँमा कारोबार भइरहेको छ । आइतबार पनि चाँदी सोही रकममा कारोबार भएको थियो ।
