काठमाडौं । नेपाली बजारमा आइतबार सुनको मूल्य बढेको छ ।
आज सुन तोलामा ६ सय रुपैयाँले बढेर प्रतितोला एक लाख ८४ हजार एक सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । शुक्रबार सुन एक लाख ८३ हजार ५ सय रुपैयाँमा कारोबार भएको थियो ।
यस्तै, आज चाँदीको मूल्य भने घटेको छ । महासङ्घका अनुसार आज चाँदी एक हजार ९१० रुपैयाँमा कारोबार भइरहेको छ । शुक्रबार चाँदी १ हजार ९३० रुपैयाँमा कारोबार भएको थियो।
