काठमाडौं । नेपाली बजारमा सोमबार सुनको मूल्य घटेको छ।
आज सुनको मूल्य प्रतितोला ७ सय रुपैयाँले घटेर छापावाल सुनको मूल्य तोलाको एक लाख ९१ हजार १ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
आइतबार सुनको मूल्य एक लाख ९१ हजार ८ सय रुपैयाँमा कारोबार भएको थियो ।
यस्तै, आज चाँदीको मूल्य स्थिर छ । महासङ्घका अनुसार आज चाँदी २ हजार ५ रुपैयाँमा कारोबार भइरहेको छ । आइतबार चाँदी २ हजार ५ रुपैयाँमा कारोबार भएको थियो ।
