काठमाडौं । जारी आइसीसी पुरुष क्रिकेट विश्वकप लिग-२ अन्तर्गत क्यानडालाई हराउँदै नेपालले विजयी सुरुवात गरेको छ । 

आइतबार ओमानको अल अमेरात स्टेडियममा भएको खेलमा नेपालले क्यानडालाई २४ रनले हराएको हो । २३६ रनको लक्ष्य पछाएको क्यानडा ४८.४ ओभरमा अल आउट हुदै २११ रनमा समेटिएको हो ।

यसअघि टस हारेर पहिले ब्याटिङ गरेको नेपालले ४९.५ ओभरमा अलआउट हुदैँ २३५ रन बनाएको थियो । नेपालका लागी रोहित पौडेलले १०१ रनको शतकीय पारी खेले।