काठमाडौं । जय ट्रफी पुरुष एलिट कपमा मधेश प्रदेशले १०२ रनमा अल आउट भएको छ ।
आइतबार जनकपुरमा टस जितेर पहिला ब्याटिङ गरेको मधेश ३५ ओभर ३ बलमा १०२ रनमा रोकिएको हो ।
बलिङमा बागमतीका कप्तान सन्दीप लामिछानेले ५ विकेट लिएका छन् भने सुर्य तामाङले ३, प्रतिश जिसी र नन्दन यादवले एकएक विकेट लिए ।
मधेसका लागि मायन यादवले सर्वाधिक २१ रन बनाए भने निरोज यादवले १२, विशाल पटेलले १६ रन बनाए ।
आफ्नो पहिलो इनिंग शुरु गरेको बागमती प्रदेशले आजको खेल सकिदा २ विकेट गुमाएर ३४ रन बनाएको छ । बागमतीका लागि आशुतोष घिरोहिया शुन्यमा आउट भएका थिए भने रित गौतम ३ रनमा आउट भएका थिए । त्यस्तै इशान पाण्डे ९ र शुभ कंसाकार २२ रन बनाएर खेलिरहेका छन् ।
त्यसैगरी मधेशका बलर रुपेश सिंह र बिशाल पटेलले एक एक विकेट लिएका थिए ।
